Актуарите се стручни лица, едуцирани од областа на математика, статистика, веројатност и финансии. Актуарите поседуваат аналитички и деловни вештини кои ги применуваат при анализа на финансиската неизвесност и ризиците за целите на комплексните финансиски и социјални системи во целиот свет.
Актуарите преку анализа на минатите настани, и оценка на тековните ризици, креираат модели кои ги користат за проектирање на идните настани. На тој начин ги предвидуваат финансиските импликации врз работењето и обезбедуваат значајни информации за креаторите на долгорочните стратегии.
Повеќе од 100 години, актуарите во светот ја даваат својата експертиза во управувањето со ризик во осигурувањето на живот, неживотното осигурување, пензиското и здравственото осигурување, а се повеќе се ангажирани и во корпоративните финансии, инвестициите, банкарството, регулативата, образованието, итн.
Покрај математичките познавања, актуарите добро ја разбираат економијата, праксата и законите во државата во која работат, демографските и финансиските движењa, и на практичен и соодветен начин ги презентираат актуарските познавања и резултатите од анализите.
Актуарите, преку националните актуарски здруженија, придонесуваат за заштита на јавниот интерес на земјата преку примена на своите знаења за јавни добра и давање помош и совети во врска со регулативата во областа на финансиите и социјалното и здравственото осигурување.
Актуарите користат уникатни вештини и професионален пристап кон решавањето на сложени проблеми, советување во врска со идните ризици, можности и опции, во различните професионални области на индустријата.
Актуарите се познати по следниве вештини:
- Проценување и управување со ризици;
- Решавање на сложени проблеми со користење на математиката, веројатноста и парични текови;
- Разбирање на сложени финансиски концепти;
- Примена на аналитички, статистички и математички вештини во областа на финансијата;
- Детална економска и финансиска анализа;
- Стратешко размислување;
Традиционално актуарите се познати по работењето во осигурителната индустрија и пензиските фондови, но актуарите сè повеќе играат важна улога во многу разновидни индустрии, вклучувајќи:
- Осигурување;
- Инвестиции;
- Банкарство;
- Финансиски услуги;
- Ппензиски фондови;
- Користи на вработените;
- Здравство;
- Инфраструктура;
- Животна средина;
- Влада;
- Data Science;
- Комунални услуги.
Актуарска професија постои за да се овозможи идна финансиска благосостојба на луѓето, организациите, економијата и општеството.
Нашите вредности
- Извонредност
- постојано доставуваме и оценуваме квалитетна работа;
- се залагаме за континуиран професионален развој;
- ги одржуваме највисоките професионални стандарди.
- Интегритет
- се залагаме за етичко одлучување;
- нудиме објективен совет;
- комуницираме професионално.
- Одговорност
- се придржуваме до професионален кодекс на однесување;
- го разгледуваме долгорочното влијание на нашите совети;
- го земаме предвид јавниот интерес.