Членството во Здружението е на доброволна основа.
Членовите на Здружението можат да бидат:
- редовни членови,
- придружни членови,
- членови – заинтересирани лица,
- членови – донатори и
- почесни членови.
Зачленување во Здружението се врши со пристапница. Секој член може доброволно да истапи од Здружението.
Здружението води Регистар на членови. Податоците од Регистарот се ажурираат еднаш годишно и се заштитени во согласност со Законот за заштита на лични податоци.
Редовен член на Здружението може да биде лице кое ги исполнува следните услови:
- има доставено документи кои потврдуваат темелно теоретско познавање на актуарските науки заедно со барањето за прием. Потребните документи ги определува Здружението со посебни Интерни прописи.
- го прифаќа Кодексот на професионално однесување
- научно или практично се занимава со актуарската професија,
- има најмалку 3 години работно искуство од областа на актуарството и/ или неговата примена
- ги исполнува барањата на Правилникот за континуирано професионално усовршување донесен од Здружението.
Секој редовен член на МАЗ се стекнува со звање МАЗ Квалификуван актуар.
Редовни членови – основачи се учесниците на Основачкото Собрание кои го задоволуваат условот за редовен член на Здружението.
Придружен член на Здружението може да биде лице кое:
- има доставено документи кои потврдуваат темелно теоретско познавање на актуарските науки заедно со барањето за прием. Потребните документи ги определува Здружението со посебни Интерни прописи
- го прифаќа Кодексот на професионално однесување
Членови – заинтересирани лица на Здружението можат да бидат лица кои имаат започнато професионална актуарска обука според програмата на Здружението или на друго актуарско здружение, полноправна членка на Меѓународната актуарска асоцијација или имаат интерес за актуарската професија
Членови – донатори на Здружението можат да бидат правни или физички лица коипреку донација го манифестираат нивниот интерес за мисијата и активностите на Здружението
Почесни членови на Здружението можат да станат лица кои се особено заслужни за самото Здружение, за развојот на актуарската теорија и пракса во Република Македонија, или на друг начин придонеле за развојот на самото Здружение.
Почесни членови избира Собранието на предлог од Извршниот орган на Здружението.